உலகம் முழுவதும் ஜும்ஆ தொழுகை ஒரு நாளில்… ஆனால் பெருநாள் தொழுகை மூன்று நாட்களா?

உலகம் முழுவதும் ஜும்ஆ தொழுகை ஒரு நாளில்…
ஆனால் பெருநாள் தொழுகை மூன்று நாட்களா?

எஸ். ஹலரத் அலி

ஜும்ஆ தொழுகை என்பது முஸ்லிம்களின் காலக்கணக்கீட்டிற்கு ஒரு மிகச் சிறந்த அறிவியல் முன்னுதாரணம். அதை வைத்துப் பெருநாள் குழப்பத்தைப் பார்த்தால் உண்மை விளங்கும்.

1. ஜும்ஆ ஓரு உலகளாவிய சுழற்சி (The Friday Cycle)

உலகம்  முழுவதும் 24 மணி நேர சுழற்சிக்குள் வெள்ளிக்கிழமை வந்து செல்கிறது.

நியூசிலாந்தில் ஜும்ஆ தொடங்கும், சில மணி நேரம் கழித்து இந்தியாவில், பிறகு சவூதியில், இறுதியில் அமெரிக்காவில் ஜும்ஆ  நடக்கும். எங்கும் “வெள்ளிக்கிழமை” மாறாது ஒரு ஊரில் வெள்ளிக்கிழமை ஜும்ஆ நடக்கும் போது, அடுத்த ஊரில் சனிக்கிழமை ஜும்ஆ நடப்பதில்லை. இதற்குக் காரணம், ஜும்ஆ என்பது சூரியனின் சுழற்சியையும் (Solar Calendar), சர்வதேச தேதிக்கோட்டையும் (International Date Line) அடிப்படையாகக் கொண்டது.

2. பெருநாள் ஏன் மூன்று நாட்களாக நீள்கிறது?

ஜும்ஆவிற்குப் பயன்படுத்தும் அதே அறிவார்ந்த தர்க்கத்தைப் பெருநாளுக்குப் பயன்படுத்தாததே இதற்குக் காரணம். ஜும்ஆவிற்கு “சூரியக் கணக்கீட்டை” (கடிகாரம்) ஏற்கும் அறி ஞர்கள், பெருநாளுக்கு “சந்திரக் கணக்கீட்டை” (வானியல் கணிதம்)  ஏற்க  மறுக்கிறார்கள்.

பிடிவாதம் : ஒரு குறிப்பிட்ட ஊரில் மேகம் மறைத்ததால் பிறை தெரியவில்லை என்பதற்காக, அறிவியல் ரீதியாகப் பிறை பிறந்திருந்தும் அடுத்த நாளுக்குத் தள்ளுகிறார்கள். இதனால் பக்கத்து நாட்டில் ஒரு நாளும் இங்கே ஒரு நாளும்  எனப்  பண்டிகை  சிதறுகிறது.

3. ஜும்ஆ  சொல்லும்  பாடம் :

உலகம் முழுவதும் 24 மணி நேர இடை வெளியில் ஒரே நாளில் ஜும்ஆ முடியுமென்றால், அதே 24 மணி நேர இடைவெளியில் ஏன்  பெருநாள்  முடியாது?

ஒரு புதிய பிறை (New Moon) பிறந்தவுடன், அந்தத் தகவல் உலகம் முழுவதும் ஒரு சில நிமிடங்களில் பரவிவிடுகிறது. ஜும்ஆவைப் போலவே, சர்வதேச தேதிக்கோட்டை (International Date Line) அடிப்படையாகக் கொண்டு, பிறை பிறந்த 24 மணி நேரத்திற்குள் உலகம் முழுவதும் பெருநாளை முடித்திருக்க முடியும். அப்படிச் செய்யாதது அறிவியல் பிழை அல்ல. அது நிர்வாகப் பிழை மற்றும் பிடிவாதம்.

4. இது அறிவியலுக்கு முரணானது எப்படி?

ஒரே பூமியில் ஒரே நிலவின் சுழற்சியில், மூன்று வெவ்வேறு  தேதிகளில் (உதாரணமாக வெள்ளி, சனி, ஞாயிறு) ஒரே பண்டிகையைக் கொண்டாடுவது என்பது இயற்கையின் விதியான “சந்திர மாதத்திற்கு” (Lunar Month)  எதிரா னது. ஒரு மாதம் என்பது 29 அல்லது 30 நாட்க ளாகத்தான் இருக்க முடியும். இப்படி மூன்று நாட்கள் கொண்டாடும்போது, யாரோ ஒரு தரப்பினர் 28 நாட்களிலோ அல்லது 31 நாட் களிலோ மாதத்தை முடிக்கிறார்கள் என்று அர்த்தம்.

இது கணக்கியல் ரீதியகப் பெரும் பிழை :

ஜும்ஆ தொழுகை உலகம் முழுவதும் 24 மணி நேர சுழற்சிக்குள் முடிந்துவிடுகிறது. யாரும் ஒரு நாள் முன்னரோ பின்னரோ தொழுவதில்லை. ஆனால் பெருநாளில் மட்டும்  ஏன்  இந்த  குழப்பம்? 

நிலவின் பிறப்பை வானியல் மூலம் துல்லியமாகக் கணக்கிட முடியும் எனும்போது, ஆறாவது அறிவைப் புறக்கணிப்பது ஏன்?

சிந்தனைக்கு : அல்லாஹ் நமக்குத் தந்த அறிவியலும், குர்ஆனும் முரண்படுவதில்லை. முரண்படுவது  மனிதர்களின்  பிடிவாதமே!

ஜும்ஆவின் அதிசயம் : பூமி சுழலும்போது, 24 மணி நேரத்திற்குள் உலகின் எல்லா மூலைகளி லும் “வெள்ளிக்கிழமை” ஜும்ஆ முடிந்துவிடுகிறது. எந்த நாடும் “எங்களுக்கு இன்னும் வெள்ளிக் கிழமை வரவில்லை. அதனால் சனிக்கிழமை ஜும்ஆ தொழுகிறோம்‘ என்று சொல்வதில்லை.

கணக்கீடு : ஜும்ஆவிற்கு நாம் சூரியனின் கணக்கீட்டை (கடிகாரத்தை) 100% நம்பு கிறோம்.  அது  அறிவியல்தான்.

முரண்பாடு : அதே அறிவியல் சந்திரனின் (நில வின்) சுழற்சியையும் துல்லியமாக கணிக்கிறது. பிறை எப்போது பிறக்கும் என்பது வானியல் அறிஞர்ளுக்கு அக்குவேராக ஆணிவேராகத் தெரியும். 

கேள்வி : சூரியனின் கணக்கை ஏற்கும் நாம் சந்திரனின்  கணக்கை  ஏற்க  மறுப்பது  ஏன்?

விளைவு : இதனால் ஒரே பண்டிகையை உலகம் 3 நாட்கள் கொண்டாடும் வேடிக்கை நடக்கிறது இதுவா இயற்கையோடு இணைந்த மார்க்கம்?

முடிவுரை : அல்லாஹ் நமக்குக் கொடுத்த ஆறாவது அறிவைப் பயன்படுத்துவோம். அறிவியலை ஏற்பது இறைவனின் வல்ல மையை ஏற்பதே.