எமது மரணத்திற்குப் பின்னரும் அந்நஜாத்தின் பணி தொடரவேண்டிய கட்டாயம்!

அன்பார்ந்த சகோதர, சகோதரிகளே! அஸ்ஸலாமு அலைக்கும் (வரஹ்)

அந்நஜாத் மாத இதழ் 1986 ஏப்ரலிலிருந்து தொடர்ந்து பல சிரமங்களிடையே, கடுமையான எதிர்ப்புக்களிடையே, கொலை மிரட்டல்களிடையே, விஷமத்தனமான அவதூறுகளிடையே, ஓயாத கடுஞ்சொற்களிடையே, கடுமையான பொருளாதார நெருக்கடிக்கிடையே, தபால் துறை அநீதிக்கிடையே கடந்த 31 வருடங்களாக எல்லாம் வல்ல ஏகன் அல்லாஹ்வின் பேருதவியாலும் பெருங் கிருபையினாலும், அந்நஜாத் நின்றுவிட வேண்டும் என்ற பெருத்த எதிர்பார்ப்பு, விருப்பத்திற்கிடையே இடைவிடாது வந்து கொண்டிருக்கிறது. அல்லாஹ்வுக்கே அனைத்துப் புகழும். அல்ஹம்துலில்லாஹ்.

இத்தனை இடர்பாடுகளுக்குக் காரணம்? ஆம்! 1300 வருடங்களாக ஆதத்தின் சந்ததிகள்-மனித குலத்தினர் அனைவருக்கும் சொந்தமான இறைவனின் இறுதி வாழ்க்கை நெறிநூல் குர்ஆனை மறைத்து வைத்துக் கொண்டு, மக்களை ஏமாற்றி அவர்களை நரகில் தள்ளும் கொடும் முயற்சியில் ஈடுபட்டிருக்கும் திருடனிலும் கேடுகெட்ட திருடர்களை, புரோகிதர்களான இடைத்தரகர்களை மக்களுக்கு இனம் காட்டி, அவர்களின் முகத்திரையைக் கிழித்தெறிந்து, ஒவ்வொரு ஆணும், பெண்ணும் இம் மவ்லவிகளின் வசீகர, சூன்ய, உடும்புப் பிடியிலிருந்து விடுபட்டு நேரடியாக குர்ஆனையும், ஆதாரபூர்வமான ஹதீஃத்களையும் பற்றிப் பிடித்து அவர்களை 6:153 இறைவாக்குக் கூறும் நேர்வழி நடக்க வைக்க பெரும் முயற்சி எடுத்து வருகிறது அந்நஜாத். இன்றைய முஸ்லிம் சமுதாயத்தின் சீர்கேடுகளை, அதலபாதாள வீழ்ச்சியைப் பார்த்து, சமுதாய சீர் திருத்தத்தை நோக்கமாகக் கொண்டு, இந்த மவ்லவிகளைப் போல் எமது சுயக் கருத்துக்களையோ. கற்பனைகளையோ, யூகங்களையோ அவிழ்த்து விடவில்லை. அப்படியானால் அது 2:159, 33:36 இறைக் கட்டளைகள்படி பகிரங்க வழிகேடு என்பதை நாம் நன்கு அறிந்திருக்கிறோம்.

ஆனால் அதற்கு மாறாக முழுக்க முழுக்க குர்ஆன் வசனங்கள் கூறுவதையே மக்கள் மன்றத்தில் எடுத்து வைக்கிறது அந்நஜாத். 2:186 இறைவாக்கு மனிதர்களில் யாரையும் நம்பாமல் அல்லாஹ்வை மட்டுமே நம்ப வேண்டும், அவனது வழிகாட்டல்படியே நடக்க வேண்டும். அவனிடம் மட்டுமே கேட்க வேண்டும் அதுவே நேர்வழி என்று கட்டளையிடுவதையே எடுத்துக் கூறுகிறது அந்நஜாத். அதற்கு மேலும் விளக்கமாக 7:3 இறைவாக்கு அல்லாஹ்வால் இறக்கப்பட்டவற்றை மட்டுமே பின்பற்ற வேண்டும். அல்லாஹ்வால் இறக்கப்பட்டவையில் ஒன்று குர்ஆன் மற்றது சுன்னா(ஹதீஃத்) (பார்க்க : 53:2-6) என்பதையே எடுத்துக் கூறுகிறது அந்நஜாத். இவை போதாதென்று மேலும் மிகக் கடுமையாக 18:102-106 இறைவாக்குகள் கூறுவதையே எடுத்துக் கூறுகிறது அந்நஜாத். 18:102 இறைவாக்கு அல்லாஹ்வை விட்டு மனிதர்களில் அவுலியா-இமாம்-மவ்லவி, வழிகாட்டி என நம்பிப் பின்பற்றுகிறவர்கள் காஃபிர்-நிராகரிப்பாளர்களே, அவர்கள் ஒதுங்குமிடம் நரகம் என மிகக் கடுமையாக எச்சரிப்பதையே அந்நஜாத் எடுத்துக் காட்டுகிறது. 9:31 இறைவாக்கு அல்லாஹ்வை விட்டு மனிதர்களில் யாரை வழிகாட்டியாகக் கொண்டு செயல்பட்டா லும், அவர்கள் அம்மனிதர்களை ரப்பாக-இறை வனாகக் கொண்டு கொடிய ´ர்க்கில் மூழ்குவதால் தான் அவர்கள் நரகை அடைகிறார்கள் என்ப தையே அந்நஜாத் எடுத்துக் கூறுகிறது.

18:103 முதல் 106 வரையுள்ள இறைவாக்குகள் இமாம்கள், ஆலிம்கள், மவ்லவிகள் என மனிதர்களைத் தங்கள் வழிகாட்டிகளாக எடுத்துக் கொண்டவர்கள் மாபெரும் நஷ்டவாளிகள், அவர்கள் பாவமான செயல்களைச் செய்துகொண்டு நன்மையான செயல்களைச் செய்வதாக அறிவீனமாக நம்பிக் கொண்டிருப்பார்கள். அவர்களுடைய செயல்கள் நாளை மறுமையில் நிறுக்கப்படா. நரகமே அவர்களுக்குக் கூலியாகும். காரணம் அவர்கள் குர்ஆனை, சுன்னாவை நேரடியாகப் பார்க்காமல் அவற்றை நிராகரித்து மனிதர்கள் பின்னால் செல்வதாகும் என்று கூறுவதையே அந்நஜாத் எடுத்துக் கூறுகிறது. 33:36 இறைவாக்குக் கூறும் அல்லாஹ்வும் அவனது தூதரும் மார்க்கம் பற்றித் தெளிவுபடுத்திய பின்னர், மார்க்கத்தில் மேல் விளக்கம், பிக்ஹு, தஃப்ஸீர் என்ற பெயர்களால் குர்ஆன், ஹதீஃதின் நேரடிக் கருத்துக்களைத் திரிப்பது, வளைப்பது, மறைப்பது (பார்க்க 2:159) பகிரங்கமான வழிகேடு என்று கூறுவதையே அந்நஜாத் எடுத்து வைக்கிறது. அல்லாஹ்வின் தெளிவான வழிகாட்டலை இருட்டடிப்புச் செய்யும் இந்த மவ்லவிகளைப் பின்பற்றும் முஸ்லிம்களின் நாளைய நிலை பற்றி 33:66-68, 7:35-41, 34:31-33, 37:27-33, 38:55-64, 40:47-50, 41:29, 43:36-45 போன்ற எண்ணற்ற இறைவாக்குகள் கூறு வதையே அந்நஜாத் எடுத்து வைக்கிறது.

இவ்வசனங்களில் சில பெருமையடித்தவர்கள் என்று குறிப்பிடுவது நாங்கள்தான் ஆலிம்கள்-மவ்லவிகள்-மார்க்கம் கற்றவர்கள், அவாம்கள் குர் ஆனை அவர்களது தாய்மொழியில் படித்தும் விளங்க முடியாது என்று வீண் பெருமை பேசும் இம்மவ்லவிகளையே குறிப்பதை அந்நஜாத் மக்கள் மன்றத்தில் எடுத்து வைக்கிறது. மவ்லவிகள் பின்னால் சென்று நாளை நரகை நிரப்ப இருக்கும் முஸ்லிம்கள் 3:103 இறைக் கட்டளைப்படி இம் மவ்லவிகளின் வழிகெட்ட போக்கை நன்கறிந்து அவர்களை நிராகரித்துப் புறக்கணித்துவிட்டு, நேரடியாக குர்ஆன், ஹதீஃத் போதனைப்படி நடப்பவர்களை, வஹ்ஹாபிகள், நஜாத்காரன், குழப்ப வாதிகள், ஜமாஅத்துல் முஸ்லிமீன் அபூ அப்துல்லாஹ்வின் ஜமாஅத், நரகவாதிகள் எனப் பூச்சாண்டி காட்டிப் பிதற்றிக் கொண்டும், மக்களை ஏமாற்றி வஞ்சித்துக் கொண்டும், நரகை நோக்கி நடைபோட வைக்கும் மவ்லவி களும், அவர்களது பக்தர்களும், நாளை அவர்களை நரகில் காணாமல் ஆச்சரியத்துடன் கேட்பதை 38:62,63 வசனங்கள் படம் பிடித்துக் காட்டுகின்றன.

இப்படிப் பெருமையடிக்கும் இம்மவ்லவிகளின் இழிநிலைகள் பற்றிக் கூறும் நூற்றுக்கணக்கான குர்ஆன் வசனங்களை எடுத்து வைத்து அவர்களின் போலி வேடத்தைக் கலைத்து வருகிறது அந்நஜாத். அவர்களின் வீண் பெருமை காரணமாக அல்லாஹ்வே அவர்களை குர்ஆன் வசனங்களை விட்டும் திருப்பி விடுவதாகவும், நேரடியான குர் ஆன் வசனங்களை எடுத்துக் காட்டினாலும் இம் மவ்லவிகள் நம்பி ஏற்கமாட்டார்கள். ஒரே நேரான வழியை ஒருபோதும் ஏற்கமாட்டார்கள். நரகில் கொண்டு சேர்க்கும் கோணல் வழிகளையே தங்களின் வழியாகக் கொண்டு, அவற்றையே நேர்வழி யாக மக்களுக்குப் போதிப்பார்கள் என்று 7:146 குர் ஆன் வசனம் கூறுவதை மக்கள் மன்றத்தில் எடுத்து வைக்கிறது அந்நஜாத். இந்த நேரடி குர்ஆன் வசனங் கள் அனைத்தும் 51:55 இறைவாக்குக் கூறுவது போல் உள்ளத்தில் ஈமான் உறுதியாக உள்ள ஒருசிலருக்கு மட்டுமே பலன் தரும். 32:13, 11:118,119, 12:106, 25:30 இறைவாக்குகள் கூறுவது போல் மிக மிகப் பெரும்பான்மையினருக்கு குர்ஆன் உபதேசங்கள் விழலுக்கு இறைத்த நீர்தான்.

அது மட்டுமல்ல. பெரும்பான்மை முஸ்லிம்களுக்கு குர்ஆன் உபதேசம் எட்டிக் காயாகக் கசக்கும் என்ற உண்மையை 17:41,45-47,89, 22:72, 25:60, 39:45 இறைவாக்குகள் அம்பலப்படுத்து வதையும் அந்நஜாத் மக்கள் மன்றத்தில் யாருக்கும் அஞ்சாமல், படைத்த அல்லாஹ்வுக்கு மட்டுமே அஞ்சி எடுத்து வைக்கிறது. இந்த மூட முல்லாக்கள் அல்லாஹ்வுக்கு மேல் அல்லாஹ்வாகி (நவூது பில்லாஹ்) அல்லாஹ் சொல்லாத சட்டங்களைச் சொல்லி அல்லாஹ்வுக்கே மார்க்கம் கற்றுக் கொடுக் கும் அதிமேதாவிகளாகி வழிகெட்டுச் செல்வதை 42:21, 49:16 இறைவாக்குகள் கூறுவதையே மக்களிடம் அந்நஜாத் எடுத்து வைக்கிறது. இப்போது சொல்லுங்கள், பெரும்பான்மை மக்களுக்கு மத்தியில் அந்நஜாத்திற்கு ஆதரவு கிடைக்குமா? ஒருபோதும் கிடைக்காது. பெரும்பான்மை மக்களின் ஆதர வைப் பெற சத்தியத்தை மறைத்து அசத்தியத்தை அதாவது தர்கா, தரீக்கா, மத்ஹபு, ஜாக், மஸ்லக், ஸலஃபி, ததஜ, இதஜ, இன்ன பிற இயக்கங்களைச் சரிகண்டு அந்நஜாத்தில் எழுத முடியுமா? ஒரு போதும் முடியாது. அப்படியானால் அந்நஜாத்தை நிறுத்தி விடுவதா? ஒருபோதும் முடியாது. 1000ல் 999 பேர் நரகத்திற்குரியவர்கள் (பார்க்க : புகாரீ : 3348, 4741 முஸ்லிம் 379) என்ற எச்சரிக்கையும், சில நபிமார்கள் ஒரேயொரு நபரைக்கூட நேர் வழிக்குக் கொண்டுவர முடியாமல் தன்னந்தனியாக சுவர்க்கம் போவார்கள் (பார்க்க: புகாரீ : 5705, 5752) என்ற எச்சரிக்கையும் நமக்கு எதை உணர்த்துகிறது?

நாம் சுவர்க்கம் போக என்ன வழி? என்றுதான் பார்க்க வேண்டுமே அல்லாமல், ஊரைத் திருத்தும் பொறுப்பை அல்லாஹ் நபிமார்களுக்கும் தர வில்லை, மனிதர்களில் எவருக்கும் தரவில்லை. தொடர்ந்து எச்சரித்துக் கொண்டிருப்பதே நமது கடமை. இதை எண்ணற்ற வசனங்கள் உறுதிப் படுத்துகின்றன. (பார்க்க : 10:99, 13:40, 50:45, 2:272, 28:56, 5:99, 13:40, 14:52, 16:35,82, 24:54, 29:18, 36:17,30, 42:48, 46:35, 64:12) இந்த குர்ஆன் வசனங்கள் அனைத்தையும் பொறுமையாக, நடுநிலையுடன் நேரடியாகப் படித்து உணர்கிறவர்கள், அல்லாஹ்விடமிருந்து வஹீ மூலம் பெற்ற சத்திய-நேர்வழிச் செய்திகளை மக்கள் மன்றத்தில் வைக்கும் போது, அந்நேர்வழியை எத்தனை பேர் ஏற்றுக் கொண்டார்கள். மிகப் பெரும்பான்மையினர் அந்நபிமார்களை எப்படி எல்லாம் இழித்தும், பழித்தும், பொய்யர்கள், குழப்பவாதிகள், பயித்தியக்காரர்கள், மன நோயாளிகள் என்று வாய்க்கு வந்த வாரெல்லாம் திட்டி அந்நபிமார்களின் நேர்வழிக் கருத்துக்களை மக்கள் கேட்கவிடாமல் தடுத்தார்கள். நபிமார்கள் வேதனையின் விளிம்பிற்கே செல் லும்போது அல்லாஹ் அவர்களுக்கு எப்படிப்பட்ட ஆறுதல் வார்த்தைகளைக் கூறி அவர்களைத் திடப்படுத்தினான் என்பதை எல்லாம் அறிந்து கொள்ள முடியும்.

36:30 இறைவாக்கு அந்தோ அடியார்கள் மீது கைசேதமே! அவர்களிடம் எந்தத் தூதர் வந்தாலும், அவரை அவர்கள் பரிகாசம் செய்யாதிருந்ததில்லை என்று அல்லாஹ் உறுதிப்படுத்துகிறான். ஆக சத்தியத்தை-நேர்வழியை மிகப் பெரும்பான்மையினர் ஒரு போதும் ஏற்கமாட்டார்கள். மிகமிக சொற்பமா னவர்கள் மட்டுமே நேர்வழியை ஏற்பார்கள் என குர்ஆனின் எண்ணற்ற வசனங்கள் உறுதிப் படுத்து கின்றன. இன்றும் குர்ஆன், சுன்னாவில் உள்ளதை உள்ளபடி சொல்பவர்கள் பெரும்பான்மை மக்க ளால் இழிவுபடுத்தப்படுகிறார்கள். பேயன், பைத்தியக்காரன், பொய்யன், மன நோயாளி இன் னும் இவைபோல் பல இழி சொற்களால் பரிகாசம் செய்து மக்கள் அவர்களின் நேர்வழிப் பேச்சைக் கேட்காமல் தடுத்துவிடுகிறார்கள் இம்மவ்லவிகள்!

அல்லாஹ் குர்ஆன் 2:256,257, 4:51,60,76, 5:60, 16:36, 39:17, 51:53, 52:32 ஆகிய வசனங்களில் தாஃகூத், தாஃகூன் என்று குறிப்பிடுவது வழிகெடுக் கும் மனித ஷைத்தான்களாகிய இம்மவ்லவி களையே. அவர்கள் 2:146, 6:20 இறைவாக்குகள் கூறுவது போல் குர்ஆனின் நேரடிப் போதனை களை தாங்கள் பெற்றக் குழந்தைகளை அறிவது போல் அறிந்த நிலையில்தான் அவற்றை மறுக்கி றார்கள். ஆம்! அவர்கள் 6:153 இறைவாக்குச் சொல் லும் ஒரே நேர்வழி மார்க்கத்தை எண்ணற்றக் கோணல் வழிகள் மதங்களாக்கி அவை கொண்டு தங்கள் வயிற்றையும், பையையும் நிரப்புவதால் 36:21, 2:79, 174,175, 31:6 இறைவாக்குகள் கூறுவது போல் அவர்கள் நேர்வழிக்கு வர வாய்ப்பே இல்லை என்று குர்ஆன் கூறுவதை நாம் மறுக்க முடியுமா? உணவு, உடை, இருப்பிடம் ஆக அனைத்தும் ஒட்டு மொத்தமாக முழுக்க முழுக்க ஹராமில் இருக்கும், அதனால் பெருமை பேசும் இந்த மவ்லவிகள் ஒருபோதும் நேர்வழியை ஏற்கமாட்டார்கள் (பார்க்க : 7:146) என்று அல்லாஹ் அல்குர்ஆனில் கூறுவது எமக்கு ஆச்சரியத்தைத் தரவில்லை.

ஆனால் சொந்த ஹலாலான உழைப்பில் கை நிறையப் பொருளீட்டும் டாக்டர்கள், விஞ்ஞானிகள், பொறிஞர்கள், வியாபாரிகள் போன்ற அறிவு ஜீவிகளும், இரவும் பகலைப் போல் வெள்ளை வெளேர் என்ற நிலையில், உள்ளங்கை நெல்லிக்கனி போல், குன்றிலிட்ட தீபம் போல் கடுகளவும் சந்தேகமே இல்லாத குர்ஆன் வசனங்கள் கூறும் இந்த உண்மைகளை உணர முடியாத அறிவிலிகளாக இருப்பதே எமக்குப் பெருத்த ஆச்சரியத்தைத் தருகிறது. அவர்களுக்கு வயிற்றுப் பிரச்சனையோ, வாழ்க்கைப் பிரச்சனையோ இல்லவே இல்லை. பின் ஏன் நேர்வழியை ஏற்கத் தயங்குகிறார்கள் தெரியுமா? நேர்வழியில் இருப்பவர்கள் மிகமிகச் சொற்ப மாக இருப்பதால், ஆயிரத்தில் ஒன்று லட்சத்தில் ஒன்று என்று மட்டுமே இருப்பதால், மக்கள் செல்வாக்குக் கிடைக்காது, பேர் புகழ் கிடைக்காது, இருக்கிற பேர் புகழும், பட்டம் பதவியும் பறிபோய் விடும் என்ற அச்சமே அவர்கள் நேர்வழியை-சத்தியத்தை ஏற்று நடக்கத் தடையாக இருக்கிறது. பாவம் அவர்கள், அனைத்து நபிமார்களும் பெரும் பான்மை மக்களிடம் பட்ட கஷ்டங்களை, ஏற்ற அவதூறுகள், அர்ச்சனைகள், இன்னும் பல உள்ளத்தை வேதனைப் படுத்தும் அவமானங்களை குர்ஆனை நேரடியாகப் படித்து உணர்ந்திருந்தால், அற்பமான அழிந்துபடும் இவ்வுலகில் கிடைக்கும் மக்கள் செல்வாக்கு, பட்டம், பதவி இவற்றில் மயங்கி உள்ளம் ஒப்புக்கொண்ட உண்மைகளை மறைக்க முற்படுவார்களா?

ஒரு பிரபலமான மருத்துவர், எழுத்தாளர், நாவலாசிரியர், பேச்சாளர் தனது பேச்சுக்களில், எழுத்துக்களில் 3:103 இறைவாக்கிலுள்ள பிஹப்லில்லாஹ்-அல்லாஹ்வின் கயிறு அதாவது குர்ஆனைப் பிரியாமல் ஒரே ஜமாஅத்தாகப் பற்றிப் பிடியுங்கள் என்றிருப்பதை ஒற்றுமை எனும் கயிறைப் பற்றிப் பிடியுங்கள் என்றே தொடர்ந்து தனது பேச்சுக்களில், எழுத்துக்களில் பயன்படுத்தி வருகிறார். இது காலம் காலமாக மூட முல்லாக்கள் சொல்லி வரு வது, எழுதி வருவது, அதற்கு நியாயமான காரண மும் உண்டு. அதாவது ஹப்லில்லாஹ்-அல்லாஹ்வின் கயிறு என்று உள்ளதை உள்ளபடி சொன்னால், மக்கள் குர்ஆனைப் பற்றிப் பிடிக்க ஆரம்பித்து விட்டால் இந்த மவ்லவிகளின் வயிற்றுப் பிழைப்புக்கு ஆபத்து வந்து விடுமே. அதை அவர்களால் ஜீரணிக்க முடியாதே. அதனால் தான் 1984லிலிருந்து நாம் தொடர்ந்து தெளிவாக விளக்கி இருந்தாலும், இந்த மூடமுல்லாக்கள் பிடிவாதமாக ஒற்றுமை எனும் கயிறு என்று பிதற்றி வருகிறார்கள்.

அதாவது கடந்த 1300 வருடங்களாக சுன்னத் ஜமாஅத் என்ற பித்அத்தான நரகில் சேர்க்கும் வழி கெட்ட பிரிவில் ஒற்றுமையாக இருப்பதாகவும், அந்த ஜமாஅத்தில்தான் ஒற்றுமையாக நிலைத்தி ருந்து நரகில் போய் சேரத் தூண்டுகிறார்கள்; தாஃகூத் என்ற மனித இன ஷைத்தானின் வேலையை தொடர்ந்து பிடிவாதமாகச் செய்து வருகிறார்கள். அதற்கு மாறாக ஓரளவு வளமான இவ்வுலக வாழ்க்கையை அல்லாஹ் கொடுத்திருக்கும் இந்த அறிவு ஜீவிகளுக்குப் பிடித்த கேடு என்ன? மூட முல்லாக்கள் சுயநலத்துடன் ஒப்புவிக்கும் வழி கேட்டை, இவர்களும் போதிக்கும் மர்மம் என்ன? 33:36,66-68 இன்னும் பல இறைவாக்குகள் எச்சரிப்பது போல் நாளை நரகில் கிடந்து வெந்து கரியாகிக் கொண்டு இந்த மவ்லவிகளைத் திட்டிச் சபித்து ஒப்பாரி வைக்கப் போகிறார்களா?

ஆகக் கடந்த 31 வருடங்களாக ஒவ்வொரு ஆணும், பெண்ணும் இந்த மவ்லவிகளின் வழி கெட்ட துர்போதனைகளை அறிந்து அவர்களிட மிருந்து விடுபட்டு நேரடியாக குர்ஆனையும், சுன்னாவையும் பற்றிப் பிடித்து அவற்றின் நேரடி வழிகாட்டல்படி மட்டுமே நடக்க வேண்டும் (பார்க்க : 2:186, 7:3, 18:102-106, 59:7) என்று தொடர்ந்து எழுதி வந்தாலும் இந்த குர்ஆன் கூறும் கருத்து மக்களில் 0.001% போய்ச்சேரவில்லை. அப்படிப் போய்ச்சேர்ந்த முஸ்லிம்களில் 0.01% அதை ஏற்று அதன்படி நேர்வழி நடக்க முன்வரவில்லை. ஜின் இன ஷைத்தான்களும், தாஃகூத் என்ற மனித இன ஷைத்தான்களும் மக்களை குர்ஆன் கூறும் நேர்வழிக்கு வரவிடாமல் தடுத்துக் கொண்டிருக்கிறார்கள். ஆயினும் ஆயிரக்கணக் கான நபிமார்களின் நேர்வழிப் போதனைகளை எத்தனை பேர் ஏற்றுக் கொண்டார்கள் என்று குர்ஆன் விவரிக்கும் செய்தி களைப் படித்து அறிந்துள்ளதால், எமக்கு இது ஆச்சரியத்தையோ, வேதனையோ தரவில்லை. நபி நூஹ் (அலை) மற்றும் தன்னந்தனியாக சுவர்க்கம் போகும் சில நபிமார்களின் வரலாறுகளை குர்ஆன் கூறுவது எமக்குப் போதிய அறிவைத் தருகிறது.

ஆகவே எமது உயிர் மூச்சு உள்ளவரை அந்நஜாத்தின் குர்ஆன் வழி போதனையைத் தொடர்வது மட்டுமல்லாமல், எமது மரணத்திற்குப் பின்னரும் அந்நஜாத்தின் பணி தொடர வேண்டும் என்ற பேராவலுடன், எல்லாம் வல்ல அல்லாஹ் அதற்கு அருள் புரிய வேண்டும், அதற்குரிய சூழ்நிலைகளை ஏற்படுத்தித் தரவேண்டும் என்று அந்த வல்லவனிடம் தொடர்ந்து துஆ செய்கிறோம். முஃமின்களை துஆ செய்ய அன்புடன் வேண்டுகிறோம். அந்நஜாத் எடுத்துவைக்கும் 2:159 இறைவாக்கு எச்சரிப்பது போல், திரிக்கப்படாமல், வளைக்கப் படாமல், மறைக்கப்படாமல் குர்ஆனின் நேரடிக் கருத்துக்கள் கடந்த 31 ஆண்டுகளில் முழு முஸ்லிம் சமுதாயத்தையே சென்றடையவில்லை. தமிழ் பேசும் முஸ்லிம்களிடையேயும் முழுமையாக சென்றடையவில்லை. இந்த நிலையில் ஆதத்தின் சந்ததிகளான மனிதகுலம் அனைவருக்கும் குர்ஆனின் நேரடிக் கருத்துக்கள் போய் சேருவது எப்போது?

நமது கடமை அதற்கான முழு முயற்சிகளில், நமது சொந்த யூகம், சுய கருத்து, கற்பனை எதையும் புகுத்தாமல், அல்லாஹ் வழிகாட்டியுள்ளபடி மட்டுமே விடாது தொடர்ந்து பாடுபடுவதாகும். பெரும் ஜிஹாத் செய்வதாகும். ஜிஹாத் என்றால் துப்பாக்கி எடுத்துப் போர் புரிவதல்ல. மிகக் கடும் முயற்சி செய்வதாகும். அல்லாஹ் இந்த ஹிஜ்ரி 15ம் நூற்றாண்டில் மனிதகுலத்தினருக்கு ஒரு மறுமலர்ச்சியை நாடினால் அது நடக்கும். அந்த மறுமலர்ச்சி அல்லாஹ்வின் நாட்டத்தில் இல்லை என்றால் அது நடக்காது. ஆயினும் நம்முடைய முயற்சிக்கு நிச்சயம் நாளை மறுமையில் நற்கூலி உண்டு. மஹத்தான வெகுமதிகள் நிச்சயம் உண்டு. இன்ஷா அல்லாஹ்.

அந்நஜாத் வாசகர்களே, உங்களில் பலர் வெறு மனே அந்நஜாத்தைப் படிக்கிறீர்களே அல்லாமல், அதில் குறிப்பிடும் குர்ஆன் வசனங்களை நேரடியாக குர்ஆனை எடுத்துப் படித்து விளங்கும் பழக்கம் இல்லை. குர்ஆனுடன் நேரடித் தொடர்பு உங்க ளுக்கு ஏற்படாதவரை, குர்ஆன் கூறும் நேர்வழியை அறியும் வாய்ப்புக் குறைவு. அவர்களே அந்நஜாத் சொன்ன விஷயங்களையே மீண்டும் மீண்டும் சொல்கிறது என சலித்துக் கொள்கிறார்கள். குர்ஆன் 1450 வருடங்களாக சொன்ன விஷயங்களையே மீண்டும், மீண்டும் சொல்கிறது என்பதை வசதியாக மறந்து விடுகிறார்கள். சிலர் அந்நஜாத் குறிப்பிடும் குர்ஆன் வசனங்களை உடனடியாக குர்ஆனை எடுத்து நேரடியாகப் படித்து விளங்க ஆரம்பித்து விட்டார்கள். அவர்களுக்கு நேரடியாக குர்ஆனுடன் தொடர்பு ஏற்பட்டுவிட்டது. அதனால் அவர்கள் அந்நஜாத்தைத் தொடர்ந்து படிக்க வேண்டிய தில்லைதான்; ஆயினும் அவர்கள் ஒன்றை நினைவு கூர வேண்டும்.

அந்நஜாத்தைப் படித்ததன் மூலம் குர்ஆனுடன் நேரடித் தொடர்பு ஏற்படும் பாக்கியம் தங்களுக்குக் கிடைத்தது. அந்த பாக்கியம் மனித குலத்தினரில் அல்லாஹ் நாடுவோருக்குக் கிடைக்க வேண்டும் என்றால், இடைத்தரகு புரோகிதமற்ற குர்ஆனின் நேரடிக் கருத்துக்கள் உலகம் முழுவதும் சென்றடைய வேண்டும். இந்த முயற்சியை அந்நஜாத் மட் டுமே செய்து வருகிறது. மற்றபடி உலகளாவிய அள வில் இஸ்லாத்தின் பெயரால், வழிகெட்ட எண்ணற் றப் பிரிவினர்களின், இடைத்தரகர்களான மதகுருமார்களின் சுய கருத்துக்களே குர்ஆன் விளக்கமாக-தஃப்ஸீராக எடுத்து வைக்கப்படுகின்றன. நேரடியாக குர்ஆனைப் பற்றிப் பிடித்து அதன் கருத்துக்களை மட்டுமே பின்பற்ற வேண்டும் என்ற நேரிய-சத்தியக் கருத்துக்களை எடுத்து வைக்கும் அரிய முயற்சி உலகின் எந்தப் பகுதியிலும் நடைபெறு வதாகத் தெரியவில்லை; இருந்தால் அறியத் தரவும்.

எனவே அந்நஜாத்தின் சீரிய இந்த முயற்சி கண்டிப்பாகத் தொடர்வதோடு, அந்நாஜாத் கூறும் நேரடி குர்ஆன், சுன்னா கருத்துக்கள் உலகின் மூலை முடுக்கெல்லாம் சென்றடைய நம்மால் ஆன முயற்சிகளைத் தொடர்ந்து செய்து கொண்டே இருக்க வேண்டும். அதன் முடிவு எல்லாம் வல்ல அல்லாஹ் வின் கையிலேயே இருக்கிறது. நமது கையில் இல்லை என்பதிலும் உறுதியாக இருக்க வேண்டும்.

எனவே அந்நஜாத்தைப் படிப்பதன் மூலம் குர் ஆனை நேரடியாகப் பற்றிப் பிடிக்கும் பாக்கியம் பெற்ற சகோதர, சகோதரிகளும் அந்நஜாத் தொய் வின்றித் தொடர்ந்து வெளிவர தங்கள் சந்தாக்களைப் புதுப்பிப்பதோடு, தாராளமாக அந்நஜாத் திற்கு வளர்ச்சி நிதி கொடுத்தும் ஊக்குவிக்குமாறு கேட்டுக் கொள்கிறோம். நெருங்கிய உறவினர்கள், நண்பர்கள், தெரிந்தவர்கள் குர்ஆனைப் பற்றிப் பிடிக்கும் நன்நோக்கில் அவர்களுக்கும் அந்நஜாத்தை அறிமுகப்படுத்தி சந்தா சேர்த்து அந்நஜாத் தொடர்ந்து வெளிவர உதவுங்கள். இது உங்களுக்கு மறுமையில் மகத்தான நற்கூலிகளைப் பெற்றுத் தரும்.

அடுத்து அந்நஜாத் ஆரம்பித்த காலத்திலிருந்து சகோதர சகோதரிகளிடமிருந்து அவர்களுடைய ஜகாத்தைப் பெற்று 9:60 இறைவாக்குக் கூறும் நபர்களுக்கு கொடுத்துவிட்டு அதன் வரவு செலவு கணக்கை வருடா வருடம் ஜகாத் கொடுத்தவர்களுக்கு அனுப்பி வைக்கிறோம். மற்றபடி சில அறிவீனர்கள் பேர் புகழை விரும்பி ஜகாத் பெறுபவர் களைப் படம் பிடித்துப் பத்திரிக்கைகளில் போட்டு அவர்களை அவமானப்படுத்தும் தீச் செயலை நாம் செய்வதே இல்லை. (பார்க்க: 2:261-265)

அந்நஜாத் வளர்ச்சி நிதி என்று குறிப்பிட்டு வரும் நிதியை மட்டுமே அந்நஜாத் கணக்கில் சேர்க்கிறோம். ஜகாத் நிதியிலிருந்து சல்லிக்காசும் அந்நஜாத் திற்காக எடுப்பதில்லை. 9:60 இறைவாக்கு ஜகாத்தை வசூலிப்பது, விநியோகிப்பது, கணக்கிடுவது போன்ற பணிகளில் ஈடுபடுவோருக்கு ஒரு பங்கு உண்டு என்று கூறினாலும் நாம் அப்படி எடுப்ப தில்லை. பட்டியல் தயாரித்து அச்சடிப்பது, தபாலில் அனுப்புவது போன்ற செலவினங்களையும் ஜகாத் கணக்கில் கொண்டு வருவதில்லை. நாமே செல வழிக்கிறோம். இலவசப் பிரசுரங்களின் செலவையும் அந்நஜாத் நிதியிலிருந்தோ, ஜகாத் நிதியிலிருந்தோ எடுப்பதில்லை. ஜகாத் பணத்தைக் கொள்ளை அடித்துச் சுரண்டுவதாக சில அறிவீனர்கள் அவதூறு பரப்புவதால் இந்த விளக்கம் அவசியமாகிறது. இதைக் கண்டு கொள்ளாமல் விட்டால், அவர்தான் மறுப்புத் தெரிவிக்கவில்லையே. அத னால் சொல்வது உண்மை என்று அவரே ஏற்றுக் கொண்டார் என்றும் அறிவீனர்கள் அவதூறு பரப்பலாம்.

அன்பார்ந்த சகோதர, சகோதரிகளே உங்களது அந்நஜாத் சந்தாக்களை அவசியம் புதுப்பித்து அந்நஜாத் பணி தொய்வில்லாமல் தொடர உதவுங்கள், மேலும் அந்நஜாத் வளர்ச்சி நிதியாகக் கொடுத்து அந்நஜாத்தைப் பலப்படுத்துங்கள். உங்களது ஜகாத் பணத்தை தாராள மாக அனுப்பி, ஏழை, எளிய மக்களின் நியாயமான, அத்தியாவசியத் தேவைகளுக்குக் கொடுத்து உதவும் அரிய சேவைக்கு ஒத்துழைப்புத் தருமாறு மிக்க அன்புட னும், ஆதரவு வைத்தும் வேண்டுகிறோம்.

அந்நஜாத் தொய்வின்றித் தொடர நீங்கள் அனை வரும் துஆ செய்யுங்கள். உங்களின் இவ்வுலக மறு உலக வாழ்க்கை வளமாக, சுபீட்சமாக அமையவும், உங்கள் சிறிய, பெரிய பாவங்களை அல்லாஹ் கருணையுடன் மன்னித்து நாளை மறுமையில் மகத்தான பதவிகளைத் தரவும் துஆ செய்கிறோம்.

அன்பார்ந்த சகோதரர்களே, சகோதரிகளே, ஒவ் வொரு ஆணையும், ஒவ்வொரு பெண்ணையும் அல்குர் ஆன் 2:186, 7:3, 18:102-106, 33:36,66-68, 53:2-5, 59:7 இறைக் கட்டளைகளுக்கு முற்றிலும் அடிபணிந்து, 3:102-105 குர்ஆன் வசனங்கள் கூறு வதற்கு அடிபணிந்து, புரோகிதர்களை முற்றிலும் புறக்கணித்து அதாவது 2:186, 50:16, 56:85 குர்ஆன் வசனங்கள் அறிவுரையை ஏற்று மனிதர்களில் பாம ரனையோ, மெத்தப் படித்த மவ்லவியையோ அல்லாஹ்வுக்கும் நமக்கும் இடையில் இடைத்தர கராகப் புகுத்தாமல், அவர்களில் எவரையும் நமது வழிகாட்டியாக ஏற்காமல், நேரடியாக குர்ஆன், ஹதீஃத் போதனைகள்படி அவற்றை மட்டுமே மார்க்கமாகக் கொள்ள வேண்டும் என்பதையே அடிப்படை நோக்கமாகக் கொண்டு அந்நஜாத் இதுவரை தொய்வின்றி தொடர்ந்து வெளி வருகிறது. அல்லாஹ்வுக்கே புகழ் அனைத்தும்.

ஆதம்(அலை) காலத்திலிருந்தே மனித சமுதாயத் தைத் தங்களின் வசீகர சூன்ய, நயவஞ்சகப் பேச் சால், எழுத்தால் ஆட்டிப் படைக்கும் இப்புரோ கிதர்களின் உடும்புப் பிடியிலிருந்து விடுவிக்க முழுதும் பாடுபட்ட நபிமார்கள் இப்புரோகிதர்களிடம் பட்ட பாட்டை இறுதி வாழ்க்கை நெறி நூல் அல்குர்ஆன் தெளிவாக எடுத்தியம்பிக் கொண் டிருக்கிறது. மக்கள்தான் படிப்பனைப் பெறத் தயாரில்லை.

ஆயினும் நம்முடைய நீங்காதக் கடமை சத்தியத்தை – நேர்வழியை – குர்ஆன், ஹதீஃத் நேரடிப் போதனைகளை மக்கள் மன்றத்தில் எடுத்து வைத்துக் கொண்டே இருக்க வேண்டும். 51:55 இறைவாக் குக் கூறுவது போல் முஃமின்களுக்கு – உள்ளத்தில் ஈமானுடையவர்களுக்கு அது நிச்சயம் பலன் அளிக்கவே செய்யும். 49:14 இறைவாக்குக் கூறுவது போல் உள்ளத்தில் ஈமான் நுழையாத பெரும்பான்மையினருக்கு குர்ஆன், ஹதீஃத் உபதேசம் ஒருபோதும் பயன் தராதது மட்டுமல்ல, குர்ஆன், ஹதீஃத் போத னையை மிகக் கடுமையாக வெறுப்பார்கள். (பார்க்க : 17:41,45-47,89, 22:72, 25:60, 39:45)

அதனால் பெருங்கொண்ட மக்களின் ஆதரவு நமக்குக் கிடைக்கவில்லையே என்ற கவலை நமக்குக் கூடவே கூடாது. அக்கவலை நம்மை வழிகேட்டி லிட்டுச் சென்று விடும். (பார்க்க: 5:100, 6:116) நாம் 6:153 இறைவாக்குக் கூறும் நேர்வழி நடந்து சுவர்க்கம் செல்ல விரும்பினால், குர்ஆன், ஹதீஃதை மட் டுமே மார்க்கமாக எடுத்துச் சொல்லும் அந்நஜாத் தின் கல்லில் நார் உறிக்கும் பணி தொடர்ந்து உலகம் அழியும் வரை நடந்தே ஆக வேண்டும். அல்லாஹ் அருள் புரிவானாக.
நாம் எமது 77வது வயதைக் கடந்து கொண்டிருக்கிறோம். இன்னும் எத்தனை ஆண்டுகள் வல்லமை மிக்க அல்லாஹ் எம்மை இப்பூமியின் மேற் பரப்பில் நடமாட அனுமதிக்கிறானோ? யாம் அறியோம்! ஆயினும் எமக்குப் பின்னரும் அந்நஜாத் குர் ஆன், ஹதீஃத் மட்டுமே மார்க்க ஆதாரங்கள்; மனிதர்களில் எவரது சுய கருத்தும் ஒருபோதும் மார்க்கம் ஆகாது என்ற நேர்வழிக் கருத்தில் உறுதியாக நின்று நிலைத்து வெளிவர வேண்டும் என்பதே ஒரே குறிக்கோள். அல்லாஹ் அருள் புரிவானாக!

அந்த இலட்சியத்தோடு, இரண்டு சகோதரர்கள் கொடுத்த 6 சென்ட் நிலத்தின் அடித்தளத்தில் ஒரு படுக்கை அறை கொண்ட இரு வீடுகளும், இரு படுக்கை அறை கொண்ட இரு வீடுகளும் கட்டி முடித்திருக்கிறோம். முதல் தளத்தில் நான்கு வீடுகளும், இரண்டாம் தளத்தில், குர்ஆன், ஹதீஃத் பயிற்சிக்குரிய ஒரு மன்றமும் கட்ட பெரும் முயற்சி எடுத்து வருகிறோம். மறுமை வாழ்வில் உறுதியான நம்பிக்கையும், அந்நஜாத் தொடர்ந்து வெளிவந்து 51:55 இறைவாக்குக் கூறுவது போல், ஈமான் தாரிகளுக்குப் பயன்தர வேண்டும் என்பதில் உறுதி யான நம்பிக்கையுடைய சகோதர சகோதரிகள் இந்த வகைக்கும் பெருந்தொகை தந்து கட்டிட வேலைகள் முழுமையாக முடிவுபெற உதவுமாறு அன்புடன் வேண்டுகிறோம்.

2:186, 7:3, 53:2-6, 18:102-106, 33:36,66-68, 50:16, 56:85, 59:7 இன்னும் பல வசனங்களை நிராகரித்து குஃப்ரிலாகி அல்லாஹ்வுக்கும் அடியானுக் கும் இடையில், திருட்டுத்தனமாக புகுந்து மக்களை வழிகெடுத்து நரகில் தள்ளும் இடைத்தரகர்களான, புரோகிதர்களான அனைத்துப் பிரிவுகளின் மவ்லவிகளையும் அடையாளம் காட்டி, சமுதாயத்தை அவர்களின் கொடூர, நயவஞ்சக, உடும்புப் பிடியிலிருந்து விடுவிக்கப் பாடுபடும் அந்நஜாத்தின் தொடர் முயற்சி உலகம் அழியும் வரை நீடிக்க விரும்பும் சகோதர, சகோதரிகள், தாராளமாக நிதி உதவி செய்ய அன்புடன் வேண்டுகிறோம். அதனால் மறுமையில் பெரும் பெரும் பதவிகள் பெற அல்லாஹ்விடம் துஆவில் வேண்டுகிறோம்.

9:107 இறைவாக்குக் கூறும் மஸ்ஜிதன்ழிரார் என்ற பிரிவினைவாதிகளின் பள்ளிகளுக்கு நிதி உதவி செய்வதை விட மறுமையில் அதிக நன்மைகளைப் பெற்றுத் தருவது இப்புரோகித மவ்லவிகளின் உடும்புப் பிடியிலிருந்து சமுதாயத்தை விடு விக்கச் செய்யப்படும் அந்நஜாத்தின் முயற்சியாகும். ஒவ்வொரு ஆணையும், பெண்ணையும் நேரடியாக குர்ஆன், ஹதீஃதைப் பற்றிப் பிடிக்கச் செய்யப்படும் முயற்சியாகும்! வஸ்ஸலாம்.

குறிப்பு : தயவு செய்து உங்களின் Email ID, செல் நம்பர், Email செய்து தகவல் தொடர்பை எளிமைப் படுத்துமாறு உங்களை அன்புடன் கேட்டுக் கொள்கிறோம்!
———————-
இக்கட்டுரையில் வரும் குர்ஆன் வசனங்களில் சில…